24 April , 2006

شم النسيم و عمى الألوان

Posted in Uncategorized at 10:53 by kabreet

أيوة….. أنا عندى عمى ألوان يعنى مش بعرف الأخضر من الأحمر من القرمزى ( ايه القرمزى ده؟) … و النهاردة شم النسيم يعنى الزهور و الألوان و الكلام ده…. ماليش فيه… أنا كل اللى ليا حاجة أفتح من حاجة أو أغمق يعنى أقرب للأبيض أو للأسود( مش معنى كده إن الدنيا عندى أبيض وأسود زى أفلام اسماعيل يس). شوف الدنيا زييى هنا أو هنا .

عمى الألوان هو عيب خلقى متوارث من الأب عن طريق ابنته لابنائها الذكور (يعنى جدى أبو أمى -الله يرحمه بقى- كان عنده عمى ألوان ، و ابن خالتى أيضا …. اتفرج علينا-ابن خالتى و أنا- و احنا قاعدين قدام المودم نشوفه بينور أحمر ولا أخضر) لكن الإناث عمرهم ما بيبقى عندهم عمى ألوان ( عمى الأخضر-أحمر)الموضوع عبارة عن ان المخاريط اللى بتحلل الضوء و بتفصل الألوان فى العين عشان المخ يقدر يميزها بايظة أو مش فى مكانها الصح….حاجة زى كده.

كل مرة أروح لدكتور العيون يجيبلى ورق عليه أشكال هلامية و يسألنى بمنتهى البراءة : شايف ايه هنا؟؟؟ و أنا مش شايف غير شوية كور ملونة ، يقوم يقوللى فيه عدسات و عمليات… و لكن أنا أشك …. الراجل أحول بطريقة غير طبيعية ..و بيقوللى البس النضارة!!! و أنا لا أستطيع أن أثق فى كلامه عن العيون ولكنى أذهب اليه فى كل مرة لأنه دكتور كبير و تقريبا مفيش حد خد باله قبل كده إنه أحول…
أحول جدا…
جدا….

الجنود اللى عندهم عمى ألوان طبعا ممكن يعملوا كوارث فى المعركة بداية من قراية الخرايط و تشغيل الأجهزة لغاية ترجمة الإشارات الضوئية الملونة و لكن الجنود دول بيقدروا يشوفوا الهدف المموّه فى خلفية كثيرة التفاصيل و مشوشة أحسن من اللى بيشوفوا ألوان كويس.

أكتر حاجة تفقع هى رد فعل الناس فى العيلة أو الأصحاب تجاه الموضوع ده .. تبدأ الأسئلة الغريبة و كأنّى كائن فضائى أو كأنّى كنت عايش قبل كده مع الحيتان…. أسئلة من قبيل.. القميص ده انت شايفه لونه ايه؟؟(و القميص أصلا كاروهات 64036431847 لون) …. أنا عينيا لونها إيه؟؟…. يعنى انت شايفنا ألوان ولا أبيض و أسود؟؟؟ …أو الناس تبدأ تشخص الحالة… "انت أكيد محدش حفّظلك الألوان و انت صغير" …. " دى حالة نفسية" …. "انت بتستعبط أصلا" …. بردة حاجة تفقع لما الناس تاخد الموضوع على انه حاجة لطيفة فيها مجال للاستظراف و خفة الدم

نهايته……أنا طبعا عندى فضول فظيع إنّى أشوف الدنيا ألوان و أحس بيها زى الناس… يمكن نظرتى للحياة تتغير و أحب الدنيا لمّا أشوفها ألوان و لكن أنا مش ناقم ولا زعلان … الموضوع مش كبير قوى يعنى…بس خلاص

9 Comments »

  1. wa7da said,

    ah sa7ee7 ya kabreet .. ma2olteleesh ra2yak fel loon elly kont labsaah el naharda😉

  2. we2am said,

    enta mesh me7tag enak tshof el alwan fe 7aga..7’alek 2a3ed ganbe w ana hab2a 2a2olak😉

  3. […] بتاريخ مجتمع في 18:57 دونه kabreet أنا أصلا ماليش في الألوان, بس مش هي دى المشكلة, المشكلة في معنى الحبة الحمرا و […]

    • اسراء said,

      ان شم النسيم يوم جميل ورائع فية الناس يتبادلون الافراح ان شم النسيم اينة الناس يئكلون فة السمك المملح ما احلا هذا اليوم الجميل

  4. علمني said,

    اضحكك الله
    انا لسه جاي من عند الدكتور كنت بعمل كشف عيون علشان اطلع رخصة سواقه وأكتشفت ان عندي عمي الوان غير لائق
    مش عارف بكرة هيرضوا يطلعوا لى رخصه ولا هيقولوا انت مش هتشوف الأشارات
    المهم وانا خارج من عند الدكتور لما زمايلي عرفوا انى مش بفرق بين الألوان كل حاجه نمر عليها يسألوني انت شايف ديت لونها ايه ههههههههه
    بس عادي مش هتفرق الحياه برخصه ولا بدون اظن مش هتفصر كثير انا اساساً مكنتش ناوي اشتري سيارة بس حبيت اطلع رخصه يمكن اروح وظيفه يحتاجوا رخصه ههههههههه
    الحمد لله

  5. Haitham said,

    hhiiiiiiiiiiiiiiiiiiiiiiiiiiiiiiiii

  6. Haitham said,

    أريد بحث عن عمى الالوان

  7. مهندس said,

    هههههههههههههههههههه
    أنت عسل والله
    ياعم أحنا نقول الحمد لله وبعد كده هوا هيكرمنا
    أنا بأه حكايتي مع عمي الالوان حكايه
    مهندس كهربا لسه متخرج ورايح يعمل كشف طبي علشان يكمل اوراق التعيين
    روتين كلنا عارفينه
    في غرفه الكشف وبعد ماجاب العلامات تمام
    هوب الدكتور بيطلع الورقه السحريه
    الرقم الي هنا كام يا باشمهندس
    رقم ايه يا بيه مش فاهم…دي دواير يا دوك
    مصيبه تكون عاوزني اعدلك الدواير دي كلها!!!!
    يا ابني احنا هنهرج الرقم الي هنا كام؟؟؟
    انا مش فاهم انت قصدك ايه يا دوكتور بصراحه
    لا حول ولا قوه الا بالله….استني شويه لحد مانقعدك يا ابني عالفانوس وبعدين نشخص حالتك بالظبط
    فانوس!!!!فانوس ايه يا بيه انا مش فاضي للعب العيال دا…اوعي يكون فانوس بالكهربا بتاع بنتك الصغيره بايظ وقولت فرصه المهندس دا يصلحهولي(الكلام دا في سري طبعا)ـ
    المهم علشان ما اطولش عليكم قعدت عالفانوس واكتشفت انه جهاز بيستخدموه اخوانا الدكاتره في تشخيص عمي الالوان
    وزي المحكوم عليه بالاعدام دخلت اوضه فيها اتنين دكاتره كبار …عنيهم كلها اسف وشقفه…قالولي يا ابني انت عندك عمي اللوان…عمي اللوان ازاي يا دكتور …يا ابني الجهاز هوا الي بيقول كدا للاسف انت ماتنفعش تبقي مهندس كهربا!!!!….مانفعش ؟ازاي ياعم انت وهوا ؟….الكهربا كلها سلوك واللوان وانت مابتشوفش الالوان…يادكتور انا بقالي تلات شهور شغال في الشركه وباشوف كل السلوك والوانها وبأميزهم وارتب الفازات تمام احمر واصفر وازرق واسود واخضروعمري في حياتي لا ايام دراستي الهندسه ولا قبلها قابلتني مشكله في تمييز اللوان السلوك ولا غيرها… قالولي مالناش فيه احنا لينا بالي قدامنا …يا بيه انت وهوا انتوا بتقولوا ايه انتوا عارفين انتوا بتحكموا عليا بأيه….ابص يا ابني احنا هنحولك علي المستشفي المركزي وهناك هما يبتوا في حالتك انما احنا مش هنتحمل مسئوليه زي دي ونكتبلك لايق
    المهم خرجت وانا طبعا الدنيا كلها في عيني لون واحد….اسود اسود اسود
    بس تعرف
    والله ربنا كبير وما بينساش حد
    الحمد لله ربنا يسرها وعدت
    واشتغلت
    والحمد لله ماشي في مشواري وباتعامل مع كل السلوك بكل اللوانها
    وبقيت ولله الحمد مهندس ناجح في شغلي
    ومافيش لحد دلوقتي مشكله قابلتني مع الالوان
    ولا هتقابلني ان شاء الله
    الطب والاطباء علي دماغي من فوق….بس هما حبكيين قوي وعاوزين كل حاجة تبقي زي ما قال الكتاب
    ودا صعب علشان الكمال لله وحده
    وتحيا مصر بأه
    انا باحترم الطب والدكاتره طبعا…بس مش عارف ليه باحس انهم حبكيين

  8. والدوالدكاتره طبعا…بس مش عارفوالدكاتره طبعا…بس مش عارف ليه باحس انهم ليه باحس انهمكاتره طبعا…بس مش عارف ليه باحس انهموالدكاتره طبعا…بس مش عارف ليه باحس انهموالدكاتره طبعا…بس مش عارف ليه باحس انهموالدكاترهوالدكاتره طبعا…بس مش عارف ليه باحس انهم طبعا…بس مش عارف ليه باحس انهموالدكاتره طبعا…بس مش عارف ليه باحس انهموالدكاتره طبعا…بس مش عارف ليه باحس انهموالدكاتره طبعا…بس مش عارف ليه باحس انهموالدكاتره طوالدكاتره طبعا…بس مش عارف ليه باحس انهمبعا…بس مش عارف ليه باحس انهموالدكاتره طبعا…بس مش عارف ليه باحس انهموالدكاتره طبعا…بس مش عارف ليه باحس انهموالدكاتره طبعا…بس مش عارف ليه باحس انهموالدكاتره طبعا…بسوالدكاتره طبعا…بس مش عارف ليه باحس انهم مش عارف ليه باحس ان والدكاتره طبعا…بس مش عارف ليه باحس انهمهموالدكاتره طبعا…بس مش عارف ليه باحس والدكاتره طبعا…بس مش عارف ليه باحس انهموالدكاتره طبعا…بس مش عارف ليه باحس انهموالدكاتره طبعا…بس مش عارف ليه باحس انهموالدكاتره طبعا…بس مش عارف ليه باحس انهم والدكاتره طبعا…بس مش عارف ليه باحس انهم


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: